������ϲʹ�������

Bydd y modiwl hwn yn cynnig arweiniad ynglŷn â sut i ddadansoddi'r ddelwedd symudol yn ogystal â chyflwyno’r eirfa dechnegol i'ch galluogi i ddadansoddi a thrafod sut mae ffilmiau'n cyfleu ystyr. Bydd hefyd yn llywio eich dewisiadau creadigol eich hun fel gwneuthurwr ffilmiau. Mae’r darlithoedd yn ymdrin â phynciau fel: Mise-en-Scène, Golygu, Gwaith Camera, Sain, Goleuo, Actio, Perfformio ac Arddull. Mae dangosiadau wythnosol yn dangos agweddau perthnasol ar ffurf ffilm. Mae ffilmiau i'w dangos yn newid yn rheolaidd i ddarparu amrywiaeth o gynnwys yn ogystal ag adlewyrchu amrywiaeth y rhai y tu ôl ac o flaen y camera ond gallant gynnwys: Get Out, American Psycho, Run Lola Run, Black Swan ac eraill.

Bydd y modiwl hwn yn cyflwyno myfyrwyr i amryw o elfennau creadigol a fydd yn rhan o’u cynlluniau gradd, gyda phwyslais arbennig ar sgiliau generaidd y gellir ei defnyddio mewn gwahanol feysydd cynhyrchu o fewn y cyfryngau. Mae’r rhain yn cynnwys datblygu ac ymchwilio syniadau, technegau a dulliau cynhyrchu sylfaenol, ac adfyfyrio a gwerthuso beirniadol. Bydd yn cyflwyno sylfaen buddiol ar gyfer elfennau ymarferol y ddarpariaeth Ffilm, Cyfryngau a Newyddiaduraeth a gyflwynir yn yr ysgol yn ddiweddarach, ac yn cynorthwyo’r myfyrwyr i ddatblygu eu sgiliau beirniadol.

Dyma fodiwl sydd yn cyflwyno’r myfyrwyr i’r sgiliau a’r technegau sylfaenol a fydd yn eu galluogi i greu cynyrchiadau fideo a sain. Cyflwynir y myfyrwyr i’r offer a’r dulliau cynhyrchu perthnasol, a chyflawnir cyfres o dasgau sydd yn ymwneud ag agweddau penodol o waith cynhyrchu, er enghraifft ffilmio, recordio sain a golygu. Rhoddir sylw i’r prosesau cyn-gynhyrchu, cynhyrchu ac ôl-gynhyrchu, gan drafod enghreifftiau defnyddiol. Bydd y myfyrwyr hefyd yn adfyfyrio ar y gwaith drwy ddadansoddi’r hyn a gyflawnir.

Mae’r modiwl hwn yn rhoi'r sgiliau sylfaenol a'r wybodaeth angenrheidiol i fyfyrwyr ar gyfer gyrfa mewn newyddiaduraeth. Mae'n ymdrin â phynciau fel ysgrifennu newyddion, technegau cyfweld, ysgrifennu ar gyfer gwahanol gyfryngau a sut i strwythuro stori. Mae'r cwrs wedi'i gynllunio i helpu myfyrwyr ddatblygu sylfaen gref mewn newyddiaduraeth, tra hefyd yn darparu profiad ymarferol trwy ymarferion ac aseiniadau ymarferol.

Mae cymdeithas yn dylanwadu'n barhaus ar iaith - gan y bobl sy'n siarad iaith benodol a'r ffyrdd maen nhw’n ei defnyddio. Mae'r modiwl hwn yn eich cyflwyno i faes sosioieithyddiaeth, sef astudio effaith ffactorau cymdeithasol ar iaith. Mae hyn yn cynnwys amrywiaeth tafodieithol, amrywiaeth arddull, gwahaniaethau siarad rhwng siaradwyr o wahanol oedrannau, rhyweddau, a ffyrdd eraill y mae iaith lafar yn amrywio. Mae ystyriaeth hefyd o gyd-destunau amlieithog a ffyrdd y gall iaith ei heffeithio’n bwrpasol gan e.e. ymdrechion i safoni. Mae'r modiwl yn canolbwyntio ar Saesneg, ond ystyrir ieithoedd eraill hefyd lle bo hynny'n berthnasol. Yn ogystal â dysgu sylfeini astudiaeth gymdeithasol-ieithyddol, byddwch hefyd yn dysgu sgiliau trosglwyddadwy fel gwaith tîm, disgrifio data iaith a gwerthfawrogi gwahanol ddiwylliannau ieithyddol. Mae dau aseiniad yn y modiwl: adroddiad canol tymor sy'n gofyn i chi ateb cwestiynau ar amrywiad iaith, a phrawf terfynol o gynnwys y modiwl. Nid oes angen cefndir blaenorol mewn ieithyddiaeth nac astudiaeth iaith i ddilyn y modiwl hwn. (Nodyn: mae'r modiwl QXL-1113 Language and Society yn rhannu darlithoedd gyda'r modiwl hwn.)��

Nod y maes ieithyddiaeth (*linguistics*) yw disgrifio a chategoreiddio ieithoedd o ran eu systemau gramadegol - e.e. y synau sy’n cael eu defnyddio, neu sut i ffurfio brawddeg. Bwriad y modiwl cyfrwng Cymraeg hwn yw cyflwyno myfyrwyr i wahanol agweddau o strwythur gramadegol iaith, gyda ffocws ar y Gymraeg ond gan gyfeirio at ieithoedd eraill hefyd. Byddwch chi’n dysgu am sut i gategoreiddio iaith o ran ei gwahanol fathau o eiriau, sut i drawsgrifio sain iaith mewn ffordd fanwl gywir, disgrifio’r modd adeiladu geiriau ac adeiladu brawddegau. Byddwch chi’n datblygu sgiliau mewn adnabod a chymharu gwahanol nodweddion iaith fel y Gymraeg mewn ffordd academaidd, a hefyd byddwch yn dysgu mwy am gyd-destun y Gymraeg o ran lle mae’n dod o yn wreiddiol a sut mae pobl yn ei defnyddio hi heddiw. Mae dau aseiniad i’r modiwl, sef adroddiad sy’n gofyn i chi ddisgrifio a labelu esiamplau o ramadeg Cymraeg, ac ysgrifennu sawl traethawd byr am strwythur iaith. Mae’r modiwl hwn yn addas ar gyfer unrhyw un sydd â diddordeb yn yr iaith Gymraeg, gan gynnwys myfyrwyr ieithyddiaeth, ieithoedd modern, cymdeithaseg a/neu lenyddiaeth, ac nid oes angen unrhyw gefndir penodol arnoch i gymryd y modiwl hwn.

Modiwl sy’n galluogi i fyfyrwyr sydd wedi gwneud Lefel A Ffrangeg ddatblygu sgiliau cyfathrebu ysgrifenedig a llafar drwy ehangu ar y gallu ieithyddol a gafwyd yn ystod Lefel A. Mae cyfle i ddatblygu sgiliau cyfieithu ac ysgrifennu, yn ogystal â sgiliau llafar/ gwrando. Bydd myfyrwyr hefyd yn adolygu a datblygu meysydd allweddol o ramadeg. Daw’r testunau a’r deunyddiau a ddefnyddir yn y modiwl hwn o amrywiaeth o ffynonellau, gan gynnwys y cyfryngau a darnau llenyddol er mwyn dod i arfer â gwahanol gyweiriau. Bydd myfyrwyr yn cael cipolwg ar themâu Ffrengig penodol a materion sy’n ymwneud â bywyd a chymdeithas gyfoes yn y gwledydd Ffrangeg eu hiaith. Cefnogir dysgu y tu allan i’r ystafell ddosbarth trwy Bortffolio Hunanastudiaeth gyd-gwricwlaidd.

Mae’r modiwl hwn yn barhad o LCF-1001, a’i nod yw gwella sgiliau llafar, gwrando ac ysgrifenedig Ffrangeg myfyrwyr lefel uwch.

Modiwl sy’n addas i ddechreuwyr ynghyd â myfyrwyr sydd wedi astudio Ffrangeg hyd at TGAU. Mae’n canolbwyntio ar ddatblygu sgiliau llafar, gwrando, darllen ac ysgrifennu. Bydd myfyrwyr yn dysgu ac ehangu geirfa ac yn dod i ddeall a medru defnyddio gramadeg Ffrangeg. Byddant hefyd yn datblygu eu sgiliau llafar a’u hyder i siarad Ffrangeg mewn dosbarthiadau sgwrsio gyda siaradwr brodorol.

Modiwl sydd wedi ei anelu at fyfyrwyr sydd wedi cwblhau’r modiwl LCF-1003. Nod y modiwl yw adeiladu ar y sgiliau sylfaenol a ddysgwyd yn semester 1 er mwyn cyrraedd safon sy’n cyfateb i Lefel A. Bydd myfyrwyr yn defnyddio a datblygu’r eirfa a’r gramadeg a ddysgwyd yn semester 1, a bydd sgiliau llafar a’r hyder i siarad Ffrangeg yn cael eu datblygu ymhellach mewn dosbarthiadau sgwrsio gyda siaradwr brodorol.

Modiwl sy’n galluogi i fyfyrwyr sydd wedi gwneud Lefel A ddatblygu sgiliau cyfathrebu ysgrifenedig a llafar drwy ehangu ar y gallu ieithyddol a gafwyd yn ystod Lefel A. Mae cyfle i ddatblygu sgiliau cyfieithu ac ysgrifennu, yn ogystal â sgiliau llafar/ gwrando. Bydd myfyrwyr hefyd yn adolygu a datblygu meysydd allweddol o ramadeg. Daw’r testunau a’r deunyddiau a ddefnyddir yn y modiwl hwn o amrywiaeth o ffynonellau, gan gynnwys y cyfryngau a darnau llenyddol er mwyn dod i arfer â gwahanol gyweiriau. Bydd myfyrwyr hefyd yn cael cipolwg ar themâu Sbaenaidd penodol a materion sy’n ymwneud â bywyd a chymdeithas gyfoes yn y gwledydd Sbaeneg eu hiaith. Cefnogir dysgu y tu allan i’r ystafell ddosbarth trwy Bortffolio Hunan-astudiaeth gyd-gwricwlaidd.

Mae’r modiwl hwn yn barhad o LCS-1001, a’i nod yw gwella sgiliau llafar, gwrando ac ysgrifenedig Sbaeneg myfyrwyr lefel uwch.

Modiwl sydd wedi ei anelu at ddechreuwyr a myfyrwyr sydd wedi astudio TGAU Sbaeneg. Mae’n canolbwyntio ar ddatblygu sgiliau cyfathrebu llafar, clywedol ac ysgrifenedig sylfaenol. Mae’n cynnwys cyflwyniad ac adolygiad o elfennau gramadegol allweddol a geirfa ac ymadroddion cyffredin sy’n ymwneud â’r hunan, y teulu, bywyd pob dydd, hobïau, hoff bethau a chas bethau a chwarae rôl. Trwy gymhorthion clywedol/ gweledol, bydd myfyrwyr yn cael eu cyflwyno i ddiwylliant a chymdeithas Sbaen.

Modiwl sydd wedi ei anelu at fyfyrwyr yn y flwyddyn gyntaf sydd wedi astudio Sbaeneg i Ddechreuwyr a Myfyrwyr Canolradd 1. Nod y modiwl yw datblygu’r sgiliau llafar, clywedol ac ysgrifenedig sylfaenol a ddysgwyd yn semester 1 er mwyn i fyfyrwyr ddatblygu’r hyfedredd sy’n cyfateb i safon Lefel A. Bydd myfyrwyr yn defnyddio’r egwyddorion gramadegol a ddysgwyd yn semester 1 i ysgrifennu darnau estynedig. Byddant hefyd yn canolbwyntio ar strwythurau gramadegol mwy cymhleth. Datblygir sgiliau gwrando trwy ymarferion gwrando a deall gyda thapiau sain a fideo a bydd gofyn i fyfyrwyr roi cyflwyniadau unigol ar bynciau mwy cymhleth.

Datblygu dealltwriaeth o elfennau iaith cerddoriaeth (melodi, harmoni, gwrthbwynt, rhythm) drwy astudio ymarfer cyfansoddi yng nghyfnodau’r Dadeni hwyr a’r Baroc yn ogystal ag elfennau o gerddoriaeth boblogaidd fodern.

Cyflwyno astudiaethau cerddoregol trwy arolwg o hanes cerddoriaeth rhwng 1850 a heddiw, ynghyd â chyfres o weithdai ar sgiliau astudio. Mae’r modiwl yn cynnig arolwg o weithiau mewn amrywiaeth o genres ‘clasurol’ a phoblogaidd. Gosodir newidiadau a datblygiadau mewn arddull gerddorol yn eu cyd-destunau hanesyddol, diwylliannol, cymdeithasol, daearyddol ac esthetaidd.

Nod y modiwl hwn yw arfogi myfyrwyr â’r wybodaeth a’r ddealltwriaeth sylfaenol o gyfansoddi gan ddefnyddio offerynnau, lleisiau a thechnoleg. Mi fydd y myfyrwyr yn dysgu sut i gyfansoddi cerddoriaeth a chreu celf sonig gan ddefnyddio enghreifftiau o weithiau arwyddocaol ac ymagweddau creadigol o’r 20fed a’r 21ain ganrif.

Mae’r modiwl hwn yn gymar i Gyfansoddi a Chelf Sonig A. Bydd y modiwl yn darparu’r sylfaen sy’n ofynnol i symud ymlaen i fodiwlau ail flwyddyn sy’n archwilio cyfansoddi a chreadigrwydd sonig ymhellach.

Cyfuno rhaglen o hyfforddiant ar offeryn neu lais ynghyd â chyflwyniad i amrywiaeth o faterion sydd o bwys i berfformwyr, gan gynnwys paratoi a chyflwyno datganiad, technegau ymarfer effeithiol, gweithio gyda cherddorion eraill, gwahanol ddulliau o ddehongli. Er mai yn Semester 2 mae’r modiwl hwn yn rhedeg, mae gwersi offerynnol/lleisiol a gweithdai ymarferol yn dechrau yn Semester 1. Mae’r modiwl hwn ar gael yn unig i fyfyrwyr sydd yn dilyn gradd mewn Cerddoriaeth neu radd cydanrhydedd mewn Cerddoriaeth gyda phwnc arall (e.e. Cymraeg).

Estyn astudiaethau cerddoregol trwy arolwg o hanes cerddoriaeth Ewropeaidd rhwng 1550 a 1850, ynghyd â chyfres o weithdai ar sgiliau astudio uwch. Gosodir y newidiadau a’r datblygiadau mewn arddull gerddorol yn eu cyd-destunau hanesyddol, diwylliannol, cymdeithasol, daearyddol ac esthetaidd.

Mae Cyflwyniad i Ysgrifennu Drama yn rhoi cyfle i fyfyrwyr archwilio’r broses ysgrifennu ar gyfer perfformio. Gan ganolbwyntio’n bennaf ar ysgrifennu gwaith newydd i’r llwyfan, sut mae rhywun yn datblygu’r ymarfer o lunio naratif, datblygu cymeriad, dadansoddi strwythur a drafftio syniadau i fod yn gynhyrchiad? Edrychir ar y berthynas a’r cydweithio rhwng yr awdur â’r cyfarwyddwr a’r actorion ynghyd â gwerthuso’r tebygrwydd a’r gwahaniaethau allweddol i ysgrifennu ar gyfer y sgrin.

Mae Dyfeisio Theatr yn gyfle i gael eich cyflwyno i faes pwnc theatr a pherfformio. Archwilio o fewn gweithdai ymarferol, sut i greu eich gwaith perfformio eich hun gyda grŵp o bobl eraill, sut y gall rhywun lunio drama wreiddiol, a datblygu fel actor, cyfarwyddwr, awdur, dylunydd… wrth wneud gwaith byw. Cewch eich cyflwyno i ddramâu clasurol, cyfoes, absẃrd ac ysgrifennu rhai newydd ynghyd â sawl ymarferydd theatr sydd wedi ffurfio’r ffordd yr ydym yn gwneud ac yn gwylio gwaith perfformio byw heddiw. Archwilir prosesau cynhyrchu, cewch eich annog i fynd i weld perfformiadau byw a gwaith perfformio digidol gyda chyfle cyffrous i greu eich darn perfformio eich hun erbyn diwedd y tymor. Mae croeso i chi berfformio, ysgrifennu, cyfarwyddo’r gwaith perfformio a chael cyfle i archwilio ac arbrofi.

Edrychir ar waith dramodwyr fel Ibsen, Strindberg, Chekhov, Brecht, Beckett ac eraill, a byddwn yn trafod dylanwad gwleidyddiaeth, chwyldro a rhyfel ar ddatblygiad y ddrama yn Ewrop. Trwy astudio cyfieithiadau Cymraeg o rai o ddramâu mawr y byd, dyma fodiwl rhyngwladol sy'n rhoi cefndir gwerthfawr i hanes y ddrama yng Nghymru.��

Yn y modiwl hwn dysgir myfyrwyr sut i lunio sgript tua 24 munud o hyd ar gyfer pennod o gyfres deledu. Trafodir gofynion cyfres deledu fel cyfrwng dramatig, a gofynnir i’r myfyrwyr gyflwyno dadansoddiad manwl o natur y cymeriadau a llunio cast ar gyfer y gyfres; llunnir braslun o blotiau’r gyfres ac yna grynodeb o gynnwys y bennod; eir ymlaen i lunio bwrdd storio. Ceir cyfarwyddyd manwl ar sut i lunio deialog, a dysgir sut i gyflwyno sgript orffenedig sy’n dilyn y confensiynau arferol. 

��

Dyma fodiwl sydd yn cyflwyno’r myfyrwyr i’r sgiliau a’r technegau sylfaenol a fydd yn eu galluogi i greu cynyrchiadau fideo a sain. Cyflwynir y myfyrwyr i’r offer a’r dulliau cynhyrchu perthnasol, a chyflawnir cyfres o dasgau perthnasol. Rhoddir sylw i’r prosesau cyn-gynhyrchu, cynhyrchu ac ôl-gynhyrchu, gan drafod enghreifftiau defnyddiol. Bydd y myfyrwyr hefyd yn adfyfyrio ar y gwaith drwy ddadansoddi’r hyn a gyflawnir.

Mae’r modiwl hwn yn fodd o alluogi myfyrwyr i ddysgu hanfodion dadansoddi’r ddelwedd symudol. Bydd myfyrwyr ar y modiwl yn dysgu terminoleg dechnegol a fydd yn eu cynorthwyo i ddadansoddi’r ffordd y mae ffilm yn cyfathrebu ystyr. Bydd darlithoedd unigol yn trafod pynciau megis Mise-en-Scène, Montage, Gwaith Camera, Sain, Goleuo ac Arddull Weledol. Bydd dangosiadau o ffilmiau perthnasol yn cael eu cynnal yn wythnosol, er mwyn cyflwyno enghreifftiau o’r pynciau dan sylw.

Mae pwyslais y modiwl hwn ar ddatblygu sgiliau ysgrifennu traethodau a thrafod ar lafar drwy ganolbwyntio ar ddetholiad o weithiau gan awduron o’r unfed ganrif ar hugain. Rhoddir sylw i faterion pwysig fel llên-ladrad yn ogystal ag agweddau technegol, e.e. trefnu troednodiadau a dulliau cyfeirio safonol.����

Edrychir ar waith dramodwyr fel Ibsen, Strindberg, Chekhov, Brecht, Beckett ac eraill, a byddwn yn trafod dylanwad gwleidyddiaeth, chwyldro a rhyfel ar ddatblygiad y ddrama yn Ewrop. Trwy astudio cyfieithiadau Cymraeg o rai o ddramâu mawr y byd, dyma fodiwl rhyngwladol sy'n rhoi cefndir gwerthfawr i hanes y ddrama yng Nghymru.

��

Modiwl ymarferol ei bwyslais sy’n anelu at godi hyder myfyrwyr wrth arfer y Gymraeg yn ysgrifenedig. Mewn cyfres o ddosbarthiadau eglurhaol, trafodir y modd y mae gramadeg yn gweithio yn yr iaith fyw. Ceir trafodaeth ar gategorïau a ffurfiau safonol a cheisir gweld sut y defnyddir hwy mewn detholiad o destunau, mewn sawl cywair.����

Mae pwyslais y modiwl hwn ar ddatblygu sgiliau beirniadol myfyrwyr. Ceir cyflwyniad i ddetholiad o ddamcaniaethau beirniadol ac i egwyddorion beirniadaeth lenyddol. Bydd y prif bwyslais ar agweddau ymarferol beirniadaeth lenyddol.����

Cyflwyniad cryno i lenyddiaeth Gymraeg yr Oesoedd Canol, gan ganolbwyntio ar ddetholion o weithiau chwedlonol ynghyd â gweithiau hanesyddol eu natur.����

Yn y modiwl hwn dysgir myfyrwyr sut i lunio sgript tua 24 munud o hyd ar gyfer pennod o gyfres deledu. Trafodir gofynion cyfres deledu fel cyfrwng dramatig, a gofynnir i’r myfyrwyr gyflwyno dadansoddiad manwl o natur y cymeriadau a llunio cast ar gyfer y gyfres; llunnir braslun o blotiau’r gyfres ac yna grynodeb o gynnwys y bennod; eir ymlaen i lunio bwrdd storio. Ceir cyfarwyddyd manwl ar sut i lunio deialog, a dysgir sut i gyflwyno sgript orffenedig sy’n dilyn y confensiynau arferol.��

Un o fodiwlau craidd Cymraeg gydag Ysgrifennu Creadigol yw hwn, ond nid yw’n gyfyngedig i’r rhai sy’n dilyn y cynllun gradd hwnnw. Yn wir, nid oes raid wrth brofiad blaenorol o ysgrifennu creadigol er mwyn dilyn y modiwl: ond yn hytrach ddiddordeb gwirioneddol yn y maes a pharodrwydd i roi cynnig ar wahanol fathau o ysgrifennu creadigol.����

Dyma gyflwyniad i gyffro llenyddiaeth Gymraeg rhwng tua 1700-1900, cyfnod o drawsnewidiadau gwleidyddol, technolegol a chrefyddol. Sut aeth beirdd ac awduron Cymraeg ati i wynebu her yr oes hon o chwyldro? Yn ogystal â thrafod nifer o ‘drobwyntiau’ llenyddol sy’n enghreifftio newydd-deb y cyfnod, ystyriwn barhad gwahanol agweddau traddodiadol. Dan sylw fydd llenorion pwysig megis yr emynwyr Williams Pantycelyn ac Ann Griffiths, Radicaliaid megis Jac Glan-y-Gors ac Iolo Morganwg, ac ymgyrchwyr pwysig megis Sarah Jane Rees (Cranogwen).��

Amcan y modiwl hwn yw arfogi myfyrwyr gyda’r wybodaeth, y ddealltwriaeth a’r sgiliau a fydd yn eu galluogi maes o law i gyfrannu at y broses o gynllunio a chynnal y Gymraeg o fewn byd gwaith. Y mae’r modiwl yn tywys myfyrwyr drwy’r broses o gynllunio a gweithredu strategaethau iaith mewn gweithleoedd gan roi blas iddynt hefyd o realiti’r broses drwy ddeuddydd o leoliad gwaith yn un o adrannau’r Brifysgol. Wedi dilyn y modiwl bydd myfyrwyr yn deall gwerth eu sgiliau Cymraeg eu hunain mewn cyd-destun proffesiynol ac yn deall hefyd sut i fynd ati i sicrhau lle amlwg i’r Gymraeg mewn gweithle lle y mae’r Gymraeg a’r Saesneg yn cael eu defnyddio.

��

This module will develop your spoken Welsh skills, giving attention to various registers of the language, formal and informal. We’ll use TV, radio, films and music to get the discussions started.��

Mae’r modiwl yn canolbwyntio ar ddatblygu medrau llafar. Rhoddir sylw i wahanol gyweiriau’r iaith, o’r tafodieithol i’r ffurfiol. Bydd hyfedredd yn cael ei feithrin drwy drafod materion cyfoes, gyda chyflwyniadau gan y myfyrwyr ar amrywiol bynciau. Defnyddir deunydd cyfredol o’r teledu, radio a byd ffilm i gyflwyno pynciau a sbarduno trafodaeth.��

A module designed to hone your written Welsh skills, paying attention to different styles and registers, from formal to informal.��You will write regular short pieces, factual and fictional, and receive detailed feedback.

Gofynnir i fyfyrwyr ysgrifennu darn byr o Gymraeg yn rheolaidd. Gosodir tasgau o natur ffeithiol (e.e. crynodeb neu fwletin newyddion) a hefyd greadigol (e.e. stori fer neu bortread). Bydd pwyslais y modiwl ar ymarfer ysgrifennu’n raenus ac yn gywir

A series of seminars giving you the chance to study different literary genres, e.g., poetry, a novel, a TV drama.��

Bydd cyfle i astudio pedwar gwahanol genre drwy gyfrwng enghreifftiau diweddar, e.e. casgliad o gerddi, nofel a drama deledu. Dysgir drwy gyfres o seminarau.

Gweler y modiwl isod.

A series of seminars in which we take a look at some of the highlights of Welsh literature, from the earliest poetry and the medieval legends of the Mabinogi, to the most recent works.��Yn ystod y ddau fodiwl hyn bydd y myfyrwyr yn bwrw golwg ar rai o uchafbwyntiau llenyddiaeth Gymraeg yr Oesoedd Canol, e.e. barddoniaeth Taliesin, Aneirin a Dafydd ap Gwilym a rhyddiaith Pedair Cainc y Mabinogi. Dysgir drwy gyfres o seminarau.��

Mae'r modiwl hwn yn datblygu sgiliau academaidd y myfyrwyr ac yn rhoi sylfaen gadarn ar gyfer elfennau fel cyfeirnodi, golygu a phrawf ddarllen, cynllunio gwaith, creu a rhoi cyflwyniadau, hynny yw y sgiliau angenrheidiol trwy gydol eu cwrs is-raddedig ond hefyd sgiliau a fydd yn ddefnyddiol wedi iddynt adael y Brifysgol.��
��

Mae’r modiwl yn canolbwyntio ar bwysigrwydd amrywiaeth diwylliannol, gwerthoedd a hawliau a’u pwysigrwydd wrth ddatblygu ymwybyddiaeth ddiwylliannol a moesol plant. Gyda phwyslais ar hawliau, bydd y modiwl yn edrych ar ffyrdd y gellir meithrin ymwybyddiaeth ddiwylliannol mewn plentyndod ac ieuenctid. Drwodd a thro, nod y modiwl yw rhoi dealltwriaeth eang o faterion diwylliannol mewn plentyndod ac ieuenctid o fewn cyd-destunau safbwyntiau cenedlaethol a rhyngwladol.��

Mae’r modiwl hwn yn craffu ar ddatblygiad seicolegol cynnar plant o’u geni hyd at y blynyddoedd cynnar. Mae’n nodi’r cerrig milltir yn natblygiad cynnar plant ac yn tanlinellu’r ffactorau sy’n hyrwyddo datblygiad. Mae’n cynnig cyfleoedd i fyfyrwyr arsylwi datblygiad plant ifanc mewn lleoliadau Blynyddoedd Cynnar priodol, yn enwedig mewn perthynas â chymdeithasu a rhyngweithio ag eraill, a dadansoddi eu tystiolaeth yn erbyn y prif gerrig milltir datblygu.��

Mae’r modiwl yn cyflwyno myfyrwyr i astudiaeth gymdeithasegol plentyndod, ac yn trafod sut y mae cysyniadau a dealltwriaethau plentyndod yn cael eu pennu’n gymdeithasol, yn ddiwylliannol ac yn hanesyddol. Archwilir y syniadau hyn gan drafod agenda hawliau plant a’r dadleuon cymdeithasol a chyfreithiol sy’n deillio ohoni.

Mae'r modiwl hwn yn ystyried agweddau cymdeithasol a seicolegol ar ddatblygiad cyfathrebu, iaith a llythrennedd plant. Nod y modiwl yw rhoi cyflwyniad defnyddiol i'r maes hynod ddiddorol hwn i'r rhai sydd eisiau gweithio gyda phlant. Mae'n cynnwys syniadau ymarferol yn ogystal â syniadau damcaniaethol. Bydd y rhai sy'n astudio'r modiwl hwn yn ennill gwybodaeth a dealltwriaeth hanfodol o sut y gellir cyfuno bywyd cartref, profiadau amrywiol ac eang a defnyddio llwyfannau digidol i ddatblygu sgiliau cyfathrebu creadigol a llythrennedd sy'n paratoi plant at ddysgu gydol oes.
��

Mi fydd y modiwl yn cyflwyno dulliau ymchwil gwahanol i fyfyrwyr, ac yn trafod y prif bethau y dylid eu hystyried wrth ddylunio ymchwil (e.e. moeseg, dibynadwyedd a dilysrwydd). Yn ogystal, mi fydd y modiwl yn cyflwyno ystadegau disgrifiadol a chasgliadol i fyfyrwyr, ac yn trafod y gwahaniaeth rhwng dulliau ansoddol a meintiol.��
��

Mae’r cwrs gradd yma yn eich hyfforddi fel athro/athrawes gynradd. Bydd y cwrs yn eich paratoi i addysgu yng Nghymru ar gyfer yr holl ystod o 3-11 oed. Mae’r cwrs yr un mor ddilys i'r rhai sydd eisiau dysgu tu hwnt i Gymru. Byddwch fel athrawon dan hyfforddiant yn cael eich gosod mewn ysgolion cyfrwng Cymraeg gyda chefnogaeth mentor a thiwtor a rhoddir anogaeth a chymorth i ddatblygu eich sgiliau Cymraeg personol ar lefel broffesiynol ar hyd cyfnod y cwrs.

Mae’r modiwl yn rhoi trosolwg cynhwysfawr o gyfraith gyfansoddiadol yn y Deyrnas Unedig a’r Undeb Ewropeaidd, yn cynnwys elfennau cyfraith datganoli. Bydd yn edrych ar y rheolau sy’n rheoleiddio prif gyrff llywodraeth, a’r berthynas rhwng yr unigolyn a’r wladwriaeth.

Mae’r modiwl yn rhoi sylfaen i’r myfyriwr ar yr hyn sy’n rheoli ffurfio a gorfodi contractau (addewid, derbyn a chytundeb) meysydd gallu, bwriad, cyfreithlondeb a sicrwydd telerau.

Mae’r modiwl hwn yn rhoi fframwaith i astudio’r gyfraith wrth edrych ar y llysoedd, y farnwriaeth, cyfreithwyr a hawliau dynol ymysg testunau eraill.

Mae’r modiwl yn cyflwyno sgiliau astudio cyfreithiol ymarferol, megis ysgrifennu traethodau cyfreithiol, a datrys problemau cyfreithiol. Bydd cyfle i fyfyrwyr gymryd rhan mewn achosion ffug lys yn ystod Semester 2.

Mae’r modiwl yn cynnwys elfen o ddatblygu sgiliau ymchwil gyfreithiol er mwyn cyflawni tasgau megis drafftio llythyrau cyfreithiol, llunio nodiadau achos, drafftio deddfwriaethau ac yn y blaen. Bydd y modiwl yn cynnig cyflwyniad i amryw o bynciau cyfreithiol, er enghraifft cyfraith trosedd, cyfraith ryngwladol a chyfraith datganoli.

Nod y modiwl hwn yw galluogi myfyrwyr i ddatgan a chymhwyso rheolau cyfraith droseddol yng Nghymru a Lloegr yr ymdrinnir â hi yn y cwrs yn gywir ac yn berthnasol, ac i egluro'n gywir y newidiadau gwirioneddol ac arfaethedig diweddar i'r maes hwn o'r gyfraith.

Ceir cyflwyniad i’r prif theorïau cymdeithasegol, gan ganolbwyntio ar bersbectifau ffwythiannaeth a theori gwrthdaro. Edrychir ar waith Emile Durkheim a Karl Marx a’u gwaith arloesol mewn ffurfio theorïau cymdeithasegol cynnar. Yna edrychir ar sefydliadau cymdeithasol yn y gymdeithas gyfoes, gan gymhwyso’r theorïau a’r persbectifau at ddadansoddi sefydliadau fel y teulu, addysg, gwaith a dosbarth cymdeithasol.

Dyma fodiwl rhyngddisgyblaethol yn cyfuno elfennau o hanes modern â pholisi cymdeithasol yng Nghymru a Prydain. Mae’r modiwl yn edrych ar ddatblygiad polisïau cymdeithasol o ddechrau’r bedwaredd ganrif ar bymtheg hyd at y presennol, a gwneir hynny o fewn cyd-destun gwleidyddol, economaidd, a chymdeithasol. Ystyrir pwy yw’r prif ddarparwyr lles, ynghyd a sut y telir am les cymdeithasol. Edrychir yn arbennig ar y dimensiwn Cymreig wrth ystyried anghenion, polisïau cymdeithasol a darpariaeth lles yng Nghymru yn sgil datganoli.

Er bod gan ein cymdeithas ystod eang o adnoddau fel cyfoeth, statws a phŵer, rydym yn byw mewn cymdeithas anghyfartal iawn, wedi’i nodweddu gan anghydraddoldeb a rhaniad cymdeithasol. Bydd y modiwl yn cychwyn drwy ystyried categorïau haeniad cymdeithasol, gan gynnwys dosbarth cymdeithasol, rhyw ac ethnigrwydd, cyn canolbwyntio ar feysydd cyfoes cymdeithasegol fel oedran, rhywioldeb, mynegiant rhyw, anabledd, crefydd, cenedl ac ardal ddaearyddol. Anogir myfyrwyr i ddatblygu ymwybyddiaeth o sut mae rhaniadau cymdeithasol yn treiddio trwy’r drefn gymdeithasol yn gyhoeddus ac yn breifat, gan arwain at wahaniaethu ac anfantais.

Troseddeg yw un o’r meysydd astudio mwyaf diddorol. Mae trosedd yn fater pwysig i gymdeithas ac yn bwnc gwleidyddol llosg mewn llawer o wledydd, gan ei fod yn gysylltiedig â phryderon am gyflwr cymdeithas. Mae “Cyflwyniad i Droseddeg” yn ymgyfarwyddo myfyrwyr blwyddyn gyntaf â ffyrdd o feddwl am drosedd ac yn cyflwyno rhai o’r prif safbwyntiau damcaniaethol o fewn troseddeg.

Bwriad y modiwl hwn yw rhoi dealltwriaeth gadarn o’r ffyrdd y mae trosedd, yng Nghymru a Lloegr, yn dod i sylw’r awdurdodau, sut mae troseddau’n cael eu mesur, sut mae troseddu yn cael ei blismona, sut mae personau a gyhuddir yn cael eu dwyn i dreial ac mae’r rhai sy’n euog yn cael eu dedfrydu a’u cosbi. Mae’r modiwl yn cymryd trosolwg hanesyddol o darddiad cyfraith droseddol, yr heddlu, y llysoedd troseddol a’r carchar, gan archwilio’r newidiadau cymdeithasol, economaidd ac athronyddol sylweddol sydd wedi helpu i siapio’r system cyfiawnder troseddol a chosbi modern.

O ddyfodiad y Normaniaid i ddiwygiadau’r cyfnod Tuduraidd: dyna grynhoi cwmpas cronolegol y modiwl hwn. Mae’r modiwl yn trafod rhai o ddatblygiadau pellgyrhaeddol hanes Cymru yn ystod y cyfnod c.1060-1603. Bydd cyfle i edrych ar gymeriadau blaenllaw fel Llywelyn ein Llyw Olaf, Owain Glyndŵr a Harri VII, yn ogystal â�� chyfle i wyntyllu newidiadau gwleidyddol, diwylliannol a chrefyddol y cyfnod.

Amcan y modiwl hwn yw cynnig arolwg cynhwysfawr o hanes Cymru yn y cyfnod modern, gan ddangos sut yr adlewyrchodd Cymru’r cyfnewidiadau enfawr a gafwyd yn Ewrop a rhannau eraill o Brydain ynghlwm â chwyldroadau a diwydiannu.. Mae’r modiwl yn olrhain trawsnewidiad Cymru o ddiwedd y 18fed ganrif hyd at yr 21ain ganrif mewn modd bywgraffyddol, gan edrych ar bynciau megis ‘Y Ferch Gymreig’ a’r ‘Chwarelwr’ ynghyd â themâu gafaelgar fel cenedlaetholdeb, protest a chwaraeon.��

Gyda ������ϲʹ������� yng nghyffiniau dau o safleoedd treftadaeth y byd UNESCO - cestyll a waliau Edward I a’r tirlun llechi - bydd y modiwl yma’n eich arfogi i drafod gwahanol ddiffiniadau o ‘dreftadaeth’.�� Ymysg rhai o’r pynciau a archwilir bydd rôl amgueddfeydd ac asiantaethau treftadaeth; cadwraeth; cypyrddau o chwilfrydedd; hunaniaeth.�� Edrychir ar astudiaethau achos o Gymru ac o bersbectif byd-eang.

Mae'r modiwl yma’n rhoi cyflwyniad i archaeoleg o gyfnod y Rhufeiniaid ymlaen, gan ddirwyn at y cyfnod modern a chyfoes.�� Ymysg y pynciau dan sylw fydd archaeoleg filwrol y Rhufeiniaid a’u filas; crefydd a chladdu; yr Eingl-Sacsonaidd a mynwentydd paganaidd; yr effaith Lychlynnaidd; y Normaniaid a chestyll.�� Bydd enghreifftiau o Gymru a thu hwnt yn rhan o’r modiwl.

Bydd y modiwl hwn yn rhoi arweiniad i hanes y 19eg ganrif yn arbennig, gan bontio o frwydr Waterloo 1815 hyd at y Rhyfel Byd Cyntaf.�� Ymhlith y themâu amrywiol a ystyrir bydd y chwyldro amaethyddol a’r chwyldro diwydiannol; yr elit a’r dosbarth canol; Rhyddfrydiaeth a Cheidwadaeth; gweithwyr a'r werin; mudiadau gwleidyddol gweithwyr; chwyldroadau; cenedlaetholdeb a hunaniaeth genedlaethol; rhyfel a diplomyddiaeth; Imperialaeth.

Beth fuasai barn Platon am ein cymdeithas heddiw? A oes modd cyfeirio at syniadau Aristoteles i ymateb i'n heriau amgylcheddol? Sut mae deall cynwysoldeb ac amrywiaeth o bersbectif Epicureaid? Mae’r modiwl hwn yn cynnig cyflwyniad eang i fyfyrwyr i faes Hen Athroniaeth gan weld sut mae’n dal i fod yn berthnasol i'r oes fodern. Gan ddechrau gyda'r cyn-Socratiaid, byddwn yn archwilio themâu a nodweddion y math(au) o athroniaeth a ddatblygodd yng nghyfnod cynnar meddwl y Gorllewin. Yna byddwn yn ystyried yr athronydd arwyddocaol hwnnw, Platon, drwy archwilio ei 'Weriniaeth' yn fanwl. Gyda hynny, byddem yn ennill gwybodaeth fanwl o'r testun, yn enwedig o ran syniadau allweddol megis damcaniaeth Ffurfiau, natur cyfiawnder a thair rhan yr enaid. Gan adeiladu ar hynny, byddwn yn ystyried athronwyr diweddarach, gan gynnwys Aristoteles, ac ysgolion meddwl eraill, megis yr Epicureaid a'r Stoiciaid. Dewch am dro i fyd Athroniaeth Hynafol a gweld ei berthnasedd i'n byd heddiw.

A oes y fath beth â ‘Christnogaeth’ ynteu ai Cristnogaethau sy’n bod bellach? Amcan y modiwl hwn yw darparu myfyrwyr â throsolwg eang o gyfluniad hanesyddol a chrefyddol Cristnogaeth. Bydd y modiwl yn dechrau ag archwiliad o hanes datblygiad Cristnogaeth, gan gyfeirio at gyfansoddiad y Testament Newydd, dysgeidiaeth Iesu, a sefydlu’r Eglwys Fore. Wedi gwneud hynny, byddem yn ystyried datblygiad yr Eglwys Gristnogol, gan sylwi’n benodol ar ddatblygiad y gwahanol enwadau Cristnogol. Yn y cyswllt hwn, bydd y modiwl yn gwerthuso’r gwahanol syniadau diwinyddol, ideolegau, a chysyniadau sydd gan y gwahanol enwadau. Sylwn, er enghraifft ar y Tystion Jehofa a grwpiau ‘Cristnogol’ yr asgell chwith. Yn ogystal, ystyrir agweddau penodol ar ddiwinyddiaeth Gristnogol, gan gynnwys athrawiaeth y Drindod Sanctaidd a Christoleg. Byddem wedyn yn asesu’r modd yr ymarferir Cristnogaeth heddiw drwy archwilio themâu megis bedydd, arwyddocâd y cymun, ac ymarferoldeb y ffydd Gristnogol mewn cyd-destun cymdeithasol anghristnogol. Pwrpas y modiwl, felly, yw annog myfyrwyr i ennyn dealltwriaeth o wahanol bynciau cysylltiedig â Christnogaeth, gan drafod seiliau’r grefydd a’r sawl sy’n eu hystyried eu hunain yn ‘Gristnogion’.

Mae’r modiwl hwn yn rhoi cyflwyniad i amcanion a nodweddion marchnata fel swyddogaeth fusnes. Mae’n canolbwyntio ar y broses a ddefnyddir gan sefydliadau i adnabod anghenion a dyheadau cwsmeriaid, i bennu pa farchnadoedd targed y gellir eu gwasanaethu orau, ac i gynllunio rhaglenni priodol i wasanaethu’r marchnadoedd hyn. Mae marchnata yn swyddogaeth fusnes graidd ac yn athroniaeth ar draws y sefydliad. Mae'r cysyniad marchnata yn mynd at wraidd angen sefydliad i fynegi a dilyn amcanion, gan greu gwerth i'w wahanol randdeiliaid. Mae'r modiwl yn pwysleisio'r cysyniad o werth i gwsmeriaid, mae hefyd yn archwilio a phwyso a mesur y penderfyniadau a’r dulliau sydd ar gael i sefydliadau roi gwerth i gwsmeriaid. Mae hyn yn cynnwys ystyried gwahanol elfennau o'r dulliau marchnata amrywiol, fel swyddogaeth cynnyrch, brand, pris, hyrwyddo, lle a phobl.

Mae'r modiwl hwn yn darparu cyflwyniad i Economeg drwy ddilyn y maes llafur y prosiect CORE (Curriculum in Open-access Resources in Economics). Bydd y cwricwlwm CORE yn arfogi myfyrwyr i ddeall sut y mae'r economi wedi esblygu a sut mae'n gweithio trwy ddod â datblygiadau mewn ymchwil economeg dros y tri degawd diwethaf i’r cwricwlwm, ynghyd â gwersi o hanes economaidd a phrofiad cymharol gwahanol wledydd.

Bydd y modiwl hwn yn rhoi egwyddorion economaidd i fyfyrwyr ddeall strwythur marchnadoedd ariannol a swyddogaeth a gweithgareddau banciau a chwmnïau ariannol yn gyffredinol. Gan ddatblygu'r syniad o anghymesuredd gwybodaeth, bydd y modiwl yn edrych ar sut mae marchnadoedd ariannol, a chwmnïau ariannol fel banciau, yn effeithio ar yr economi yn gyffredinol. Bydd yn edrych ar swyddogaeth cyfraddau llog a sut mae marchnadoedd bondiau a marchnadoedd stoc yn gweithredu. Bydd y modiwl yn ymdrin yn feirniadol â'r strwythur ariannol ac yn galluogi i fyfyrwyr ddeall sut mae banciau'n gweithio ac yn cael eu rheoli, gan gynnwys arloesi ariannol a pham mae banciau'n cael eu rheoleiddio. Mae marchnadoedd ariannol yn dueddol o fethu a bydd y modiwl yn egluro pam mae argyfyngau ariannol yn digwydd. Bydd yn dod i ben drwy ystyried y cysyniad o greu adnau, drwy edrych ar y cyfryngau mae banciau canolog yn eu defnyddio i reoli'r cyflenwad arian, ac ystyried y polisi o dargedu chwyddiant. Byddwn yn ychwanegu at y modiwl gydag astudiaeth o fathau o gwmnïau bancio a dadansoddiad cymharol o systemau bancio.

Mae hwn yn gwrs sylfaen mewn sgiliau dadansoddeg busnes sy'n cynnwys dulliau ystadegol, casglu a dehongli data, dosraniadau tebygolrwydd, ffurfio a phrofi rhagdybiaethau, cydberthyniad a dadansoddiad atchwel. Mae'n canolbwyntio ar ddatblygu'r sgiliau hyn yn Microsoft Excel.

Amcanion y cwrs hwn yw rhoi cyflwyniad i fusnes, rheolaeth a sefydliadau. Mae sefydliadau’n allweddol i’r ffordd yr ydym yn trefnu cymdeithas, ac mae astudiaeth o sefydliadau yn ganolog i ddatblygu dealltwriaeth nid yn unig o fusnes a rheolaeth, ond nifer o agweddau eraill ar ein bywydau. Mae’r cwrs yn edrych ar gyd-destun busnes, trefniadaeth gwaith a natur rheolaeth.

Mae'r modiwl yn cynnwys elfen efelychu masnachu sy'n rhedeg ochr yn ochr â darlithoedd wythnosol ar fathemateg gyllidol a thechnegau dadansoddol craidd.

��

Nod y modiwl yw datblygu sgiliau mathemateg a dadansoddi i lefel sy'n galluogi defnydd o dechnegau meintiol mewn ystod eang o weithgareddau busnes ac economeg, gan gynnwys (ond nid yn gyfyngedig i) masnachu gwarantau a buddsoddi. Mae rhan greiddiol y modiwl yn cyflwyno mathemateg a thechnegau cyllidol sy'n berthnasol i wneud penderfyniadau mewn ystod eang o gyd-destunau. Pwrpas y rhan efelychu masnachu yw datblygu'r defnydd o dechnegau dadansoddi a phrisio yng nghyd-destun penodol buddsoddiad y farchnad stoc, gan ddefnyddio modelu taenlenni a masnachu gwarannau efelychu mewn amgylchedd delio rhithwir.

Cyflwyniad i sgiliau astudio a datblygiad gallu llafar, ysgrifennu a dadansoddi data amgylcheddol.

Cyfres o ddosbarthiadau tiwtorial mewn grwpiau bach i ddatblygu sgiliau cyfathrebu, dadansoddi, a gwerthuso gwybodaeth wyddonol. Cymorth cyffredinol ar gyfer yr ystod gyfan o fodiwlau.

Gwaith maes, labordy, a dosbarth sy’n datblygu’r ddealltwriaeth a gallu myfyrwyr Gwyddorau’r Amgylchedd a Chadwraeth i ddeall y prosesau daearegol, amgylcheddol a dynol sy’n cyfrannu tuag at dirlun, a strwythur cymunedol a diwydiannol Eryri. Byddwch yn dysgu holl bwysig ar sut i ddefnyddio data wedi ei gasglu yn y maes a’r labordy i wneud synnwyr o’r amgylchedd o’ch cwmpas.��

Modiwl i fyfyrwyr Gwyddorau’r Amgylchedd sydd heb Lefel A mewn cemeg. Bydd myfyrwyr yn dysgu’r sgiliau a’r wybodaeth hanfodol o gemeg fydd yn sylfaen i’r materion amgylcheddol o gemeg yn eu gradd.

Mae’r modiwl yn cyflwyno meddylfryd daearyddol i gysyniadau globaleiddio – gofod a lle, pobl ac amgylchedd, trefoli, tlodi a datblygu, hunaniaeth a gwahaniaeth, poblogaeth, mudo, ethnigrwydd a chenedlaetholdeb, a chynaladwyedd. Byddwn yn ystyried y berthynas rhwng pobl a’u lle mewn amgylchedd naturiol, eu sefyllfa economaidd a gwleidyddol.

Cyfres o ddosbarthiadau tiwtorial i ddatblygu sgiliau cyfathrebu, dadansoddi, a gwerthuso gwybodaeth wyddonol. Cymorth cyffredinol ar gyfer yr ystod gyfan o fodiwlau.

Mae astudio'r gwyddorau naturiol yn gofyn am set o offer amrywiol o sgiliau maes, labordy a dadansoddi data, a nod y modiwl 30 credyd hwn yw rhoi cyflwyniad eang i fyfyrwyr i'r rhain mewn fframwaith sy'n berthnasol i radd. Bydd myfyrwyr yn dysgu datblygu damcaniaethau a chasglu, cofnodi a chyflwyno data.

Mae’r modiwl yn helpu myfyrwyr i ddatblygu’r sgiliau a ddefnyddir gan wyddonwyr naturiol ee. sgiliau TG, defnydd effeithiol o’r cyfleusterau chwilio’r llyfrgell, cyfrifiadau mathemategol sylfaenol, y dull gwyddonol, dadansoddi ystadegol, a dylunio arbrofol.

Mae’r modiwl hwn wedi’i gynllunio i gyflwyno ystod o sgiliau sydd eu hangen ar gyfer gradd mewn Gwyddorau Eigion. Cynhelir cyfres o ddosbarthiadau tiwtorial gyda’r pwrpas o ddatblygu sgiliau cyfathrebu, dadansoddi a gwerthuso gwybodaeth wyddonol. Bydd y myfyrwyr yn sgwrsio a chyfathrebu am egwyddorion a phroblemau gwyddonol.

Mae’r modiwl hwn yn gosod y sylfaen mewn meddwl cyfrifiannol ac yn cyflwyno dealltwriaeth o’r fathemateg sylfaenol sy’n sail i holl gyfrifiadura. Mae’r modiwl hefyd yn rhoi profiad o ddelio â’r strwythurau mathemategol sy’n sail i strwythurau rhaglennu a data, ynghyn â chynnwys adolygiad o algebra elfennol ac ymarfer ag ef.

Mae’r modiwl hwn yn cyflwyno prif dechnegau dadansoddi cylchedau a dangos bod hwn yn fframwaith allweddol o beirianneg electronig a dangos dealltwriaeth sylfaenol o’r ffiseg sylfaenol sy’n pennu priodweddau electronig deunyddiau a ddefnyddir yn y diwydiant electroneg.

Mae’r modiwl yma yn darparu hanfodion dadansoddi a dylunio cylchedau analog a digidol yn seiliedig ar ddyfeisiau arwahanol i baratoi myfyrwyr at y modiwlau electroneg analog a digidol yn yr ail flwyddyn.

Prif ffocws y modiwl hwn yw gwella eich gallu i gyfathrebu'n effeithiol trwy ddulliau gweledol. Bydd y modiwl yn ymdrin â thechnegau amrywiol, megis persbectif, braslunio isometrig ac orthograffig, yn ogystal â phwysau llinell a rendro. Yn ogystal, bydd modelu brasluniau a phrototeipio yn cael eu defnyddio fel rhan o'r broses ddylunio ailadroddol.

Nod y modiwl hwn yw datblygu eich hyfedredd technegol mewn meddalwedd CAD, yn benodol SolidWorks, a chymwysiadau Adobe Creative Cloud, gan gynnwys Photoshop, Illustrator, ac InDesign. Drwy ddatblygu'r sgiliau hyn, byddwch yn gallu ymateb yn effeithiol i ystod amrywiol o friffiau a heriau dylunio ar draws cyd-destunau amrywiol. Ar ben hynny, byddwch yn ennill y gallu i gyfathrebu'ch syniadau'n effeithiol yn weledol, gan sicrhau bod eu dyluniadau'n cael eu deall a'u cyflwyno'n effeithiol

Prif ffocws y modiwl hwn yw datblygu eich gwybodaeth a'ch dealltwriaeth o'r broses ddylunio wrth wynebu briff dylunio. Trwy gydol y modiwl, cewch gyfle i weithio ar ddau 'friff byw' a ddarperir gan gleientiaid allanol. Er mwyn cwblhau'r briffiau hyn yn llwyddiannus, byddwch yn cymryd rhan mewn ymchwil, archwilio creadigol a datblygu dylunio, ac yn y pen draw yn cynhyrchu prototeip gweithredol o gynnyrch newydd. Trwy weithio ar y briffiau hyn, byddwch yn ennill profiad ymarferol wrth gymhwyso'r broses ddylunio i sefyllfaoedd yn y byd go iawn.

Nod y modiwl hwn yw cyflawni dau brif nod. Yn gyntaf, mae'n anelu at eich cyflwyno i Arduino, sy'n blatfform electronig ffynhonnell agored sy'n cynnwys caledwedd a meddalwedd hawdd ei ddefnyddio. Byddwch yn datblygu eich gwybodaeth a'ch dealltwriaeth sylfaenol o'r system caledwedd electronig a meddalwedd rhaglenadwy hon, gan gynnwys sawl elfen mewnbwn ac allbwn cyffredin ac agweddau codio. Bydd canllawiau, tasgau a gweithgareddau estyn ar-lein yn cael eu darparu i chi gefnogi eu dysgu. Yn ail, nod y modiwl hwn yw eich helpu i ddyfnhau eich dealltwriaeth o gymhwyso technegau graffeg ddigidol mewn cyfathrebu dylunio, gan ddefnyddio meddalwedd fel Photoshop, Illustrator, ac InDesign.

Mae'r modiwl hwn yn cynnwys tasg tîm 4 wythnos o hyd (cymysgedd ar hap o fyfyrwyr Blwyddyn Gyntaf, Ail a'r Drydedd flwyddyn) i ymgysylltu ac ymateb i friff byw diwydiannol a osodwyd gan un o'n cwmnïau partner. Asesir yr agwedd hon ar y modiwl gerbron panel o feirniaid. Mae'r dasg hon a'i hasesiad yn ailadrodd y broses y byddai dylunwyr sy'n gweithio mewn tîm yn cyflwyno eu canlyniad a ddarperir i gleient.

Mae profiad yn y gweithle yn ganolog i'r cwrs, mae'n caniatáu i fyfyrwyr brofi gweithio fel dylunydd mewn amgylchedd masnachol. Mae'r modiwl hwn yn cyflwyno pecynnau cymorth dadansoddol a ddefnyddir yn y broses o werthuso arsylwadau lleoliad, cyflwyno dadansoddiadau SWOT i'w hadolygu, a chyflwyniad i hunanwerthuso datblygiad proffesiynol. Mae'r modiwl yn rhoi cyfle i fyfyrwyr weithio gyda chwmnïau a phartneriaid diwydiannol i gael profiadau ymarferol gwerthfawr. Mae myfyrwyr fel arfer yn mynd i'r afael â'r gyfres hon o fodiwlau lleoliad gwaith gyda'r strategaethau canlynol:
•���� ��i gasglu ystod eang o brofiadau drwy ganolbwyntio ar gaffael sgiliau - er enghraifft, lleoliadau mewn stiwdios dylunio, cwmnïau gweithgynhyrchu bach neu raddfa fawr, CAD arbenigol neu gwmnïau graffig
neu
•���� ��targedu cwmnïau penodol lle hoffai'r myfyriwr weithio yn y dyfodol.
��

Yn y modiwl hwn, bydd myfyrwyr yn datblygu’r sgiliau craidd sydd eu hangen i gyfathrebu’n effeithiol mewn gwyddoniaeth yn gyffredinol, ac mewn seicoleg yn benodol, gan ymarfer eu sgiliau ysgrifennu, trawsieithu a gwerthuso gwaith academaidd . Cyflwynir y deunydd ar ffurf darlith, gyda thrafodaeth bellach ar erthyglau a materion cyfoes mewn seminarau wythnosol.��

Yn y modiwl hwn, bydd myfyrwyr yn parhau i ddatblygu eu sgiliau craidd, gan wrando ar ddarlithoedd gan arbenigwyr o feysydd seicolegol gwahanol. Yn ogystal â darlithoedd a seminarau wythnosol, bydd myfyrwyr yn mynychu dosbarthiadau cyflwyno, lle byddant yn datblygu eu sgiliau cyflwyno ar lafar.
��

Mi fydd y modiwl yn cyflwyno dulliau ymchwil gwahanol i fyfyrwyr, ac yn trafod y prif bethau y dylid eu hystyried wrth ddylunio ymchwil (e.e. moeseg, dibynadwyedd a dilysrwydd). Yn ogystal, mi fydd y modiwl yn cyflwyno ystadegau disgrifiadol a chasgliadol i fyfyrwyr, ac yn trafod y gwahaniaeth rhwng dulliau ansoddol a meintiol.

Yma, bydd myfyrwyr yn parhau i ddatblygu eu sgiliau dulliau ymchwil, drwy ddatblygu eu dealltwriaeth o arbrofion a dadansoddiadau gwahanol. Cyflwynir y deunydd ar ffurf darlith, gyda seminarau wythnosol yn rhoi’r cyfle i fyfyrwyr drafod y pynciau ymhellach, a dysgu sut i ddadansoddi data gan ddefnyddio meddalwedd penodol (SPSS).
��

Mi fydd y modiwl yn cyflwyno dulliau ymchwil gwahanol i fyfyrwyr, ac yn trafod y prif bethau y dylid eu hystyried wrth ddylunio ymchwil (e.e. moeseg, dibynadwyedd a dilysrwydd). Yn ogystal, mi fydd y modiwl yn cyflwyno ystadegau disgrifiadol a chasgliadol i fyfyrwyr, ac yn trafod y gwahaniaeth rhwng dulliau ansoddol a meintiol.
��

��Yma, bydd myfyrwyr yn parhau i ddatblygu eu sgiliau dulliau ymchwil, drwy ddatblygu eu dealltwriaeth o arbrofion a dadansoddiadau gwahanol. Cyflwynir y deunydd ar ffurf darlith, gyda seminarau wythnosol yn rhoi’r cyfle i fyfyrwyr drafod y pynciau ymhellach, a dysgu sut i ddadansoddi data gan ddefnyddio meddalwedd penodol (SPSS).��

Yn y modiwl hwn, bydd myfyrwyr yn datblygu’r sgiliau craidd sydd eu hangen i gyfathrebu’n effeithiol mewn gwyddoniaeth yn gyffredinol, ac mewn seicoleg yn benodol, gan ymarfer eu sgiliau ysgrifennu, trawsieithu a gwerthuso gwaith academaidd . Cyflwynir y deunydd ar ffurf darlith, gyda thrafodaeth bellach ar erthyglau a materion cyfoes mewn seminarau wythnosol.

Yn y modiwl hwn, bydd myfyrwyr yn parhau i ddatblygu eu sgiliau craidd, gan wrando ar ddarlithoedd gan arbenigwyr o feysydd seicolegol gwahanol. Yn ogystal â darlithoedd a seminarau wythnosol, bydd myfyrwyr yn mynychu dosbarthiadau cyflwyno, lle byddant yn datblygu eu sgiliau cyflwyno ar lafar.

Nod y modiwl yw rhoi gwybodaeth sylfaenol am ffisioleg ddynol. Bydd hyn yn angenrheidiol er mwyn deall yr agweddau ffisiolegol o ymarfer corff a chwaraeon a fydd yn cael eu trafod mewn modiwlau dilynol. Bydd y sesiynau labordy yn cael eu cynnal yn Gymraeg gyda’r opsiwn i gyflwyno gwaith yn Gymraeg neu Saesneg.

Canolbwyntir ar ddatblygu’r sgiliau ymarferol sylfaenol sy’n gysylltiedig â gweithgareddau antur ddiogel ar y tir. Y prif weithgareddau yr ymdrinnir â hwy fydd cerdded mynyddoedd, dringo dan do, micro fordwyo a sgramblo mewn ceunentydd. Cynhelir y sesiynau ymarferol yn ddwyieithog, gyda’r dewis o gyflwyno gwaith yn Gymraeg neu yn Saesneg.
��

Canolbwyntir ar ddatblygu’r sgiliau ymarferol sylfaenol ac ymwybyddiaeth dactegol sy’n gysylltiedig â chymryd rhan yn ddiogel mewn chwaraeon. Bydd y myfyrwyr yn datblygu eu gwybodaeth a’u dealltwriaeth o ofynion chwaraeon, ac yn dod i ddeall y paratoi sy’n gydnaws a datblygu ymarfer da wrth gymryd rhan mewn chwaraeon. Cynhelir darlithoedd a sesiynau ymarferol yn ddwyieithog, gyda’r dewis o gyflwyno gwaith yn Gymraeg neu yn Saesneg.��
��

Mae’r modiwl yn canolbwyntio ar ddatblygu’r sgiliau ymarferol sylfaenol sy’n gysylltiedig â chymryd rhan yn ddiogel mewn athletau, dawns, gymnasteg a nofio. Cynhelir darlithoedd a sesiynau ymarferol yn ddwyieithog, gyda’r dewis o gyflwyno gwaith yn Gymraeg neu yn Saesneg.

Mae'r modiwl hwn yn cyflwyno rhai o feysydd allweddol ymchwil seicoleg chwaraeon ac ymarfer corff cyfoes. Bydd yn rhoi sylfaen gadarn i chi mewn seicoleg chwaraeon ac ymarfer corff a bydd yn eich helpu i wneud dewisiadau mwy addysgedig ynghylch pa feysydd i arbenigo ynddynt wrth i chi symud ymlaen. Byddwn yn cyflwyno enghreifftiau go iawn o gysyniadau seicoleg ar waith mewn lleoliadau chwaraeon ac ymarfer corff. Wrth wneud hynny, byddwch yn dysgu sut y gall seicolegwyr chwaraeon ac ymarfer corff gymhwyso ymchwil wyddonol i ddatblygu pecynnau seicolegol i gefnogi cleientiaid/athletwyr.

Mae'r modiwl Sgiliau Chwaraeon Padlo Ymarferol yn sicrhau bod gennych lwyfan cadarn y gallwch ddatblygu ohono fel academydd ac ymarferydd yn ystod eich amser fel myfyriwr israddedig a thu hwnt. Bydd datblygu sgiliau sylfaenol yn canolbwyntio ar y cymwyseddau sydd eu hangen i weithredu'n ddiogel fel aelod grŵp mewn amgylcheddau mewndirol ac arfordirol. Cefnogir y gweithgaredd ymarferol gan bodlediadau byr a/neu sesiynau ystafell ddosbarth gyda'r nod o ddatblygu ymwybyddiaeth a dealltwriaeth sy'n gysylltiedig â chymryd rhan mewn chwaraeon padlo'n ddiogel.

Nod y modiwl hwn yw cydweithio â chi i ddechrau eich taith gofal iechyd a datblygu eich gwybodaeth a'ch dealltwriaeth o themâu ac arferion rhyngbroffesiynol allweddol i greu arweinwyr deallus, tosturiol ar gyfer y gweithlu gofal iechyd.

Nod y modiwl hwn yw galluogi myfyrwyr i ddeall a dysgu am asesu, cynllunio, gweithredu a gwerthuso agweddau sylfaenol ar ofal sy'n canolbwyntio ar yr unigolyn. Yn ogystal, bydd myfyrwyr yn cael eu cyflwyno i egwyddorion hybu iechyd ac atal afiechyd trwy gydol oes er mwyn sicrhau'r canlyniadau iechyd gorau posib. Byddwch yn datblygu dealltwriaeth o bwysigrwydd gwerthoedd moesegol wrth ddarparu gofal.

Bydd y modiwl yn dysgu sgiliau cyfathrebu, gofal a therapiwtig i chi mewn sesiynau efelychu a gweithdai sy'n hybu diogelwch y cleifion ac ansawdd y gofal. I’r perwyl hwnnw byddwch yn gallu ymarfer, magu hyder, cwestiynu ac ymchwilio sgiliau gofal a sgiliau therapiwtig mewn amgylchedd diogel.��
��

O fewn y modiwl hwn byddwch yn archwilio rhai o'r materion sylfaenol sy'n ofynnol i nyrsio oedolion, plant a phobl ag anableddau, iechyd meddwl drwy gydol eu hoes. Byddwch yn datblygu'r wybodaeth a'r sgiliau nyrsio sylfaenol ar gyfer ymgysylltu ag unigolion, eu teuluoedd a'u gofalwyr, gan ystyried yr agweddau ffisiolegol a seicolegol ynghyd â'r dylanwadau cymdeithasol sy'n effeithio ar iechyd a lles. Byddwch yn datblygu gwybodaeth a sgiliau ymarferol sy'n eich paratoi i ddarparu gofal nyrsio tosturiol ac urddasol i bawb. Mae datblygu gwybodaeth am sgiliau cyfathrebu a dulliau ar gyfer gofal sy'n canolbwyntio ar yr unigolyn sy'n seiliedig ar dystiolaeth yn elfen graidd o'r modiwl. Byddwch yn datblygu dealltwriaeth o'r defnydd o sgiliau cyfathrebu effeithiol ar gyfer darparu a'r gofal gorau a gwaith tîm rhyngbroffesiynol da.
��

Modiwl cyffredin ble fydd myfyrwyr Gofal Iechyd yn dysgu a gweithio fel corff proffesiynol. Nod y modiwl hwn yw galluogi'r myfyrwyr hyn i ennill dealltwriaeth ar agweddau a rennir ar ddarparu gofal iechyd, megis cyfathrebu, gwyddorau iechyd, systemau'r corff, deddfwriaeth, polisi ac economeg iechyd o fewn y cyd-destun gweithio rhyngbroffesiynol.

Datblygu gwybodaeth myfyrwyr bydwreigiaeth am anatomi a ffisioleg gan gyflwyno y newidiadau anatomegol a ffisioleg ir systemau yn ystod beichiogrwydd. ��Ar ddiwedd y modiwl dylai'r myfyriwr allu disgrifio/dangos ymwybyddiaeth o rôl y fydwraig wrth optimeiddio y broses ffisiolegol arferol tra'n gweithio mewn partneriaeth â merched, gan alluogi eu barn, eu dewisiadau a'u penderfyniadau, a helpu i gryfhau eu galluoedd.

Nod y modiwl hwn yw cyflwyno rôl y fydwraig fel ymarferydd iechyd cyhoeddus effeithiol. Bydd myfyrwyr yn archwilio cysyniadau addysg iechyd, hybu iechyd ac amddiffyn a chael eu cyflwyno i adeiladu darpariaeth gofal sydd wedi'i wreiddio mewn model gofal cymdeithasol sy'n ystyried merched fel partneriaid a cyfranogwyr gweithredol mewn dewisiadau gofal iechyd. Anogir myfyrwyr ��i ystyried sut y gellir diwallu anghenion corfforol, seicolegol, cymdeithasol, diwylliannol ac ysbrydol y ferch, ei theulu a'r gymuned ehangach/fyd-eang.

Mae’r modiwl hwn yn rhedeg trwy’r flwyddyn ynghyd ar modiwlau eraill ym mlwyddyn 1 ac yn canolbwyntio ar adeiladau hyder a chymhwysedd yn y sgiliau ymarferol sydd yn gysylltiedig gyda ymarfer Bydwreigiaeth. Bydd myfyrwyr yn dysgu drwy ystod o sesiynau wyneb yn wyneb ac ar-lein gyda gweithdai sgiliau wedi'u hwyluso. Bydd y dysgu damcaniaethol yn cael ei gefnogi gan ddysgu o fewn yr amgylchedd lleoliadau clinigol. Mae'r modiwl hwn yn paratoi'r myfyrwyr i gyflawni yr hyfedreddau a amlinellir yn y Rhaglen Unwaith i Gymru 2020 Dogfen Asesu Ymarfer Bydwreigiaeth (MPAD) ar gyfer blwyddyn 1.

��

Modiwl cyffredin ble fydd myfyrwyr gofal Iechyd yn dysgu a gweithio fel corff proffesiynol. Nod y modiwl hwn yw galluogi'r myfyrwyr hyn i ennill dealltwriaeth ar agweddau a rennir ar ddarparu gofal iechyd, megis cyfathrebu, gwyddorau iechyd, systemau'r corff, deddfwriaeth, polisi ac economeg iechyd o fewn y cyd-destun gweithio rhyngbroffesiynol.

Cwestiwn a ofynnir bob blwyddyn yw, pam oes rhaid i ni ddysgu Ffiseg? Nod y modiwl yw rhoi dealltwriaeth i chi o egwyddorion ffiseg sydd eu hangen i esbonio gweithrediad yr offer a ddefnyddir mewn radiograffeg ac ar natur ymbelydredd, ei ��gynhyrchu, ��a rhyngweithio â mater. Mae'n ofynnol cynnwys holl gynnwys y modiwl mewn unrhyw gwrs radiograffeg, fel y nodir yn IR(ME)R (2017) ac o fewn Safonau Addysg a Hyfforddiant HCPC. Mae hwn yn nodi'r gofynion cyfreithiol i chi allu ymarfer radiograffeg.��

Mae'r modiwl yn gofyn am ddealltwriaeth ragorol o anatomeg, yn enwedig o ran esgyrn a chymalau, y meinweoedd meddal a rhannau’r abdomen a'r frest. Mae llawer o'r ieithwedd a'r wyddoniaeth a ddefnyddir yn y modiwl hwn yn ymwneud yn benodol iawn â'n harbenigedd ym maes iechyd, a threulir rhan gyntaf y flwyddyn academaidd yn eich cyflwyno i'r meysydd hynny. Ar ôl cwblhau'r modiwl hwn, bydd y myfyrwyr yn barod i ddarparu ymarfer diogel ac effeithiol, a hwnnw wedi'i seilio ar dystiolaeth i gleifion sy'n cael archwiliad radiograffig arferol.

Bydd y modiwl hwn yn cyflwyno'r myfyriwr i nodi a darparu gwybodaeth am abnormaleddau ar ddelweddau radiograffig, wrth weithio o fewn fframwaith meddygol-gyfreithiol priodol. Bydd hefyd yn galluogi'r myfyriwr i ddysgu gwybodaeth sylfaenol am anatomeg, ffisioleg, patholeg.��
Bydd yn datblygu dealltwriaeth o arddulliau dysgu personol ac anghenion i greu'r sylfeini i ddefnyddio’r adnoddau dysgu a'r wybodaeth a'r sgiliau sydd eu hangen arnynt yn effeithiol i ledaenu gwybodaeth ar lafar neu’n ysgrifenedig
��

Mae’r modiwl hwn yn cyflwyno amrywiaeth o sgiliau trosglwyddadwy sy’n bwysig mewn gwaith labordy. Bydd darlithoedd a sesiynau ymarferol yn egluro cysyniadau’n ymwneud a materion iechyd a diogelwch, rheoli amser ac ysgrifennu adroddiadau. Caiff technegau labordy sylfaenol, a’r defnydd a wneir ohonynt, eu cynnwys a’u hasesu mewn dosbarthiadau ymarferol.��

Cyfres o ddosbarthiadau ymarferol yn y meysydd Biocemeg, Ffisioleg, Microbioleg a Geneteg.��

Mae'r modiwl Ymarferion Biofeddygol wedi'i gynllunio i adeiladu ar y sgiliau trosglwyddadwy a ddatblygwyd yn y modiwl Ymarfer Da’r Labordy a'i nod yw rhoi'r cymwysterau angenrheidiol i fyfyrwyr ar gyfer camau uwch y cwrs. Yn benodol, bydd yn cyflwyno myfyrwyr i amrywiaeth o dechnegau a gweithdrefnau arbrofol a ddefnyddir mewn bioleg foleciwlaidd a gwyddorau biofeddygol.

Bydd cyfres o ymarferion labordy yn cael eu hymgorffori i ddatblygu hyfedredd mewn sgiliau labordy a dadansoddi. Bydd y sesiynau hyn yn ymdrin â thechnegau fel sbectrophotometreg, dadansoddiad microsgopig o feinweoedd biolegol, adnabod microbau, PCR, ac electrofforesis. Ar yr un pryd, bydd sgiliau trosglwyddadwy cysylltiedig, gan gynnwys cyfathrebu gwyddonol, casglu data, a thechnegau dadansoddi data meintiol, yn cael eu meithrin ochr yn ochr â'r rhaglen ymarferol.
��

Cyflwyniad i agweddau ar ficrobioleg feddygol gan gynnwys bacteria, firws, ffwng a paraseit.��

Amcan y modiwl hwn yw cyflwyno micro-organebau Prokaryotig ac Eukaryotig. Astudir nodweddion a strwythurau gwahaniaethol celloedd microbaidd, ynghyd â deinameg twf microbaidd, cyflwyniad i fecanweithiau gwrthsefyll gwrthfiotigau, pathogenesis ac ymwneud microbaidd ag afiechydon dynol. I ddilyn ceir adran ar feicoleg lle'r adolygir cylchoedd bywyd ffyngau a'u heffaith ar fywyd bob dydd, yn gadarnhaol a negyddol. Yna ystyrir amrywiaeth firysau, yn cynnwys firysau pwysig yn feddygol, o safbwynt eu morffoleg, math genom a strategaethau tyfu.

Cyflwyniad i wahanol agweddau o ffisioleg ddynol, yn cynnwys esboniad o’r prif organau ac effeithiau haint ac afiechyd arnynt.

Mae’r modiwl wedi’i selio ar agweddau o gyflogadwyedd a sgiliau trosglwyddadwy, lle bydd cyfle i fyfyrwyr drafod eu gwyddoniaeth drwy’r Gymraeg, a gwella neu gynyddu eu sgiliau iaith ac ysgrifenedig yn y Gymraeg.